ELLEN ADARNA IG POST "HINDI MAKA MOVE ON" COMMENT, PATAMA NGA BA KAY ANGELICA?

Kahapon, February 4, nagpost si Ellen Adarna sa instagram ng throwback photo kung saan kasama niya ang boyfriend na si John Lloyd Cruz at ang anak na kaibigang si Beauty Gonzales.

Isang follower ang nagkomento, sa wikang Bisaya, tungkol sa isang "feelingera" na hindi pa raw nakaka-"move on."

Ayon kay @ofw_hinanaings, “Besh, pasuyaa ug maayo tong feelingera besh bhe kay makalagot sya di gihapon ka move on uy!!! Peshtey!!!”
(Besh, pagselosin mo lalo yung nagpi-feeling besh ha, kasi nakakainis na siya hindi pa talaga maka-move on uy!!! Peste!!!)

Sagot dito ni Ellen, “@ofw_hinanaings makaingun to ug ‘ay kog labda dzai.’”
(Sasabihin nun, ‘Huwag niyo akong gawing sakit ng ulo, 'Dai.')

Nitong mga nakaraang linggo ay naghayag si Angelica Panganiban ng hugot lines tungkol sa kanyang ex-boyfriend at sa bago nitong karelasyon.

Wala mang binanggit na pangalan ang Kapamilya actress, marami ang naniniwalang ang tinutukoy niya ay ang ex-boyfriend na si John Lloyd at ang girlfriend ngayon ng aktor na si Ellen.