9 anyos na babae, hinalay umano ng 6 na construction worker sa Cebu

Screenshots from GMA News

Apat na construction worker ang arestado, habang dalawa pa ang pinaghahanap matapos silang ireklamo ng panghahalay ng isang babaeng siyam na taong gulang lang sa Argao, Cebu. Ang isa sa mga suspek, kaanak pa mismo ng biktima.

Nakadagdag pa sa sama ng loob ng ama ng biktima nang malamang na kaanak din nila ang isa pang suspek.

Hindi naman itinanggi ng tiyuhin ng biktima ang panghahalay. Inamin din umano nito na simula pa noong nakaraang taon ay pinagsasamantalahan na niya ang pamangkin.