Girlfriend ni PBB Housemate TJ, umalma sa mga akusasyon ng mga netizens tungkol umano sa nagaganap sa loob ng PBB House!

Pinoy Big Brother muling umiingay sa social media dahil sa isyu na kinasasangkutan ng housemate ngayon.

Matindi ang mga naging kritisismo ng mga manonood sa episodes ng reality show nitong mga nagdaang araw.

Napansin kasi ng netizens na masyado daw “touchy” ang male housemate na si TJ Valderrama sa 19-year-old housemate na si Shanaia Gomez.

Sa mga lumabas na video mula sa Kumu livestream, maraming nakapansin na mahilig daw umakbay, yumakap at mag friendly kiss si TJ kay Shanaia.

Dahil dito, umani ito ng sandamakmak na negatibong komento. Para sa iba daw ay hindi na tama tignan ang mga kinikilos ni TJ sa girl housemate.

Sa Twitter world, may ilang linggo na din trending ang hashtag na #forceev!ctTJ.

Dahil dito, hindi na napigilan ng girlfriend ni TJ na mag salita tungkol sa isyu.

Nanggagalaiti na tweet nito, “So PBB, porke gumawa kayo ng episode to explain yung closeness ni Shanaia at TJ, magiging ok na lang ang lahat?? Mga siraulo.”

Hindi na daw mababago ang naging epekto nito at hindi daw siya willing makipag coordinate sa show. Ang gusto ni Cherry Malaya ay mapalabas na ang kanyang nobyo.