Mike Hanopol, may nakakagulat na pasaring kay Boxing Champ Manny Pacquiao: “Matanda na ako niloko mo pa ako”!

Viral ngayon ang pagbubunyag ng 75-year-old legendary Filipino rock icon na si Mike Hanopol ng “Juan de la Cruz Band” ang diumano’y panlolokong ginawa sa kanya ng pambansang kamao na si Senador Manny Pacquiao. Sa kanyang Facebook post noon lamang August 21, ay kanyang ibinulgar ang hindi daw pagbabayad sa kanya ni Senator Manny para sa mga kantang ginawa nito.

Ayon kay Mike, ay gumastos din naman daw umano siya para magawa ang mga ‘Hebrew songs’ na ipinagawa daw sa kanya ni Senator Manny. Kaya naman ganito na lamang ang sama ng loob nito ng hindi siya bayaran sa kanyang mga likhang kanta.

Saad ni Mike, “Sabi Pacman gusto nya makatulong di Importante ang pera sa kanya.”

“E bakit ayaw mo ako bayaran nagpagawa ka ng hebrew songs sa akin i spend money on studio and musician di mo naman ako binayaran san ang tulong na sinasabi mo di ka na naawa matanda na ako niloko mo pa ako,” dagdag pa niya.

Ang post na ito ng singer sa kanyang social media account ay umani ng libo libong reaksyon at komento. Kaya naman ang mga netizens ay talagang nagulat sa rebelasyong ito ni Mike, lalo pa’t kilalang isa sa mga bilyonaryong tao si Senator Manny at kilala rin itong mapagbigay na tao. Kaya’t hindi nila aakalain na magagawa ito ng idolo ng sambayanang Pilipino.

Sa isang vlog noon ng Youtube vlogger na si Drew Binsky, nagkasama si Senator Manny at si Mike kung saan sila ay na-feature ng Jew vlogger. Sa naturang vlog, ibinahagi ni Senator Manny na marunong siyang magsalita ng Hebrew. At dito rin sa nasabing vlog na ito kinumpirma na talagang nagpagawa nga si Senator Manny ng ‘Hebrew songs’ kay Mike Hanopol. Dito rin nasabi ng boxing champ na tila niyakap na niya ang relihiyon ng vlogger.

Sa ngayon, ay wala pang sagot ang kampo ni Senator Manny patungkol sa akusasyon sa kanya ng singer.

Ano sa tingin niyo? May patotoo ba ang paratang na ito ni Mike Hanopol kay Senator Manny? Mag-iwan na lamang ng inyong komento sa comment section na nasa ibaba.

The post Mike Hanopol, may nakakagulat na pasaring kay Boxing Champ Manny Pacquiao: “Matanda na ako niloko mo pa ako”! appeared first on Light Feed.

Source: Light Feed
Source: Viva Pilipinas