ALAMIN: Komedyanteng si Super Tekla, nagnakaw di-umano sa isang convenience store!

Viral na naman ngayon ang sikat na vlogger-commedienne na si Super Tekla matapos itong magpabintangan na isang magnanakaw sa isang convenience store. Noon lamang October 16, ibinahagi ng komedyante ang nakakadismayang pangyayaring ito sa kanya sa loob ng 711 convenience store E Road branch.

Sa kanyang post, ibinahagi niya kung paano siya napagkamalan ng isang saleslady na kumuha umano ito ng isang item sa naturang store. Ayon kay Tekla, mistaken identity raw ang nangyari sa kanya dahil hinarang daw siya ng saleslady pagkatapos nitong mabayaran ang kanyang mga pinamili. Sinabihan daw siya ng naturang saleslady na may kinuha daw siyang item.

Dagdag pa ni Tekla, napahiya siya sa mga taong nasa loob ng convenience store dahil talagang kinapkapan siya ng saleslady. Hinayaan naman ito ng komedyante, upang mapatunayan na wala siyang kinuha pati ang resibo ng kanyang mga pinamili ay pina-double check niya para patunayan na kumpleto ang kanyang bayad pati na rin ang kanyang mga pinamili.

Hindi kalaunan ibinaba ni Tekla ang kanyang mask at doon lamang siya nakilala ng saleslady. Samantala, ang naturang saleslady ay napaiyak na lamang sa kanyang nagawang pagkakamali.

Saad niya sa kanyang post, “Hinarang ako ng saleslady after ko mabayaran ‘yung binili ko, may kinuha raw ako na item… Binaba ko ‘yung mask ko, na-recognize niya ako… Lesson learned: Huwag manghusga ng panlabas na anyo.”

Pahayag pa ng komedyante, “Ang swerty mo ate mabait at maunawain ako kung sa iba yun may paglalagyan ka cge ate palalagpasin ko ito swerty mo sakin ka natapat kung sa iba baka natanggal kana.”

“Lesson learn wag manghusga sa panlabas na anyo siguraduhin mong tama ang ginagawa mo imbes na magalit ako awa nanaig sa puso ko di biro yung pagbintangan ka mananakaw pero sabi ko kung susundin ko ang galit ko tanggal sya sa work inisip ko nalng yung good side,” aniya pa.

Paalala pa ni Tekla, “sabi ko sa inyo in real life napagbibintangan ako ayun abot langit pasalamat ni ate inisip ko rin maraming umaasa sa kanya mas mainam ang magpatawad at unawa minsan sa sitwasyon share ko lng sa inyo kakatawa pero sad reality.”

Nawa’y maging silbing aral ang pangyayaring ito na huwag basta-basta ang magbintang at maghusga batay lamang sa panlabas na anyo.

The post ALAMIN: Komedyanteng si Super Tekla, nagnakaw di-umano sa isang convenience store! appeared first on Light Feed.

Source: Light Feed
Source: Viva Pilipinas