.png)
Sa panayam sa kaniya ni Ogie Diaz, maraming kwento ang ibinahagi ni Ryan na hindi niya pa nalalahad sa kaniyang mga nagdaang interview.
Isa na dito ang isang pangyayari kung saan nalaman niya na ang kaniyang masipag na ina ay nagtatrabaho pala bilang isang dishwasher o tagahugas ng plato sa isang restaurant maliban sa iba pa nitong mga trabaho.
Ngunit ang mas masaklap daw nito, kaklase pala ni Ryan ang may-ari ng restaurant kung saan namamasukan ang kaniyang ina.
Noong una ay wala talaga siyang ideya na doon pala nagtatrabaho ang kaniyang ina at hindi din daw siya nakita nito noong siya ay pumasok sa naturang restaurant.
Ayon kay Ryan, elementarya pa lamang umano siya ng mangyari ang insidente na ito.
Naisipan daw niya at ng kaniyang mga kaklase na pumunta sa restaurant na pagmamay-ari ng isa niyang kaklase dahil ito ay bagong bukas pa lamang.
Nang makita umano ni Ryan ang kaniyang ina na naghuhugas ng mga pinggan, sa halip na batiin niya ito ay umuwi na lamang siya dahil siya ay nahihiya sa kaniyang mga kaklase.
Pag-amin ni Ryan,
“Naalala ko elementary ako, bago bukas na restaurant, punta kami. Nakita ko mommy ko naghuhugas ng pinggan.
“Hindi ko binati, umuwi na ‘ko, nahihiya ako. Napahiya talaga ako… nahihiya ako noong panahon na ‘yon kaya napakasama kong tao.”
“Mommy, bakit sa lahat ng restaurant sa kaibigan ko pa?”
Paliwanag ni Ryan, bata pa lamang siya noon at hindi pa matured ang kaniyang pag-iisip kaya ganoon na lamang ang kaniyang naging reaksyon.
Aniya,
“Kaya nung umuwi siya nagagalit ako, bata kasi ako (noon) ‘di pa ako matured.”
Kaya naman ngayon na successful na ang career ni Ryan sa Pilipinas, talagang sinisikap niyang bumawi sa kaniyang pamilya, lalo na sa kaniyang ina.
The post Ryan Bang, Isiniwalat Na Nagalit Siya Sa Kaniyang Ina Noong Malaman Na Nagtatrabaho Ito Bilang Isang Dishwasher appeared first on Light Feed.
Source: Light Feed
Source: Viva Pilipinas
No comments:
Post a Comment