Babae Na May Suot Ng Mga Alahas At May Dalang Salapi Habang Nakasakay Sa Jeep, Usap-usapan Sa Socila Media

Naging viral sa social media kamakailan lamang ang larawan ng isang babae na nakasuot ng maraming alahas habang mayroong hawak na limpak limpak na salapi sa loob ng isang pampublikong jeep.

Sa larawan na ibinahagi ng Facebook page na ‘GO Davao’, makikita ang isang babae na nakasakay sa isang pampublikong jeep. Ngunit, ang pumukaw sa atensyon ng mga netizens ay ang mga gold na kwintas at bracelets na suot nito habang mayroong hawak na limpak limpak na salapi.

Ang nasabing larawan ay orihinal na kuha ng netizen na si May Castro noong makita niya ang isang hindi pa nakikilalang babae na ipinapakita ang kaniyang karangyaan habang nakasakay sa isang jeep sa Santa Cruz, Davao del Sur. Maging ang iba ding pasahero ay humanga sa kaniyang kayamanan.

Sa larawan, mapapansin na mayroong nasa anim na gold na kweintas, ilang mga bracelets, at singsing ang babae. Siya ay mayroon ding hawak ng tila plastic kung saan nakalagay ang pera na puro P1,000 bill.

Narito ang kabuuang post:

“NAOL YAYAMANIN!

Hindi raw napigilan ni May Castro ng Santa Cruz, #DavaoDelSur, na kunan ng litrato ang isang babaeng nakasabay niya sa jeep na may dala-dalang plastik na puno ng pera. Karamihan dito, tig-iisang libo!

Kuha rin sa larawan ang malalaki at makikinang na alahas nito na tila hindi natatak0t na manak4wan. Iba rin!

Hindi man nalaman ng photo uploader ang pagkakakilanlan ng nasabing babae, panigurado namang iisa lang ang ating masasabi…

3… 2… 1… SANA ALL!”

Samantala, kaagad namang naging viral sa social media ang nasabing post at umani ng iba’t ibang komento mula sa mga netizens. May ilang netizens ang hindi mapigilan na matakot para sa babae dahil sa mga alahas na kaniyang suot ganon na din sa pera na kaniyang dala. May ilan naman na humihiling na sana ay ganoon din sila kayaman katulad ng babae.