Newlywed na sina Jennylyn Mercado at Dennis Trillo, ini-reveal na ang gender ng kanilang baby, ‘It’s a Girl’!

Sa kamakailan lamang na vlog nila Jennylyn Mercado at Dennis Trillo ibinahagi nilang dalawa ang kanilang intimate civil wedding noon lamang November 15, 2021 kung saan ito ay dinaluhan lamang ng kanilang pamilya at malalapit na mga kaibigan. Sa kanilang vlog, ini-reveal din ng newlywed ang gender ng kanilang magiging anak.

Mapapanood sa vlog na talagang sobrang saya ng lahat ng ireveal nila Jennylyn at Dennis na ‘It’s a Girl’ ang kanilang bagong baby.

Saad ni Dennis, “Noon pa lang gusto talaga namin ni Jen na magkaroon ng baby girl kasi ‘yung mga anak namin puro lalaki. Gusto naman namin ng ibang mapaglalaruan, ibang mabibihisan. Lalo na si Jen, tuwang-tuwa siya sa baby girl.”

Sinabi rin ni Dennis na matagal na nilang gusto magkaroon ng anak na babae dahil parehong lalaki na ang anak nil ani Jennylyn sa dati nilang mga partner. Ayon pa kay Jennylyn, talagang ini-expect na niya na baby girl ang kanyang magiging anak.

Aniya, “Mina-manifest na natin na girl ‘to. Kahit hindi pa namin alam. Mahilig akong tumingin ng pink. Siya [Dennis] confident naman na girl yan. Ganun kami ka-confident girl… Kahit ‘yung family ni Dennis, lalo na si tita, ‘yung mommy niya, gustong-gusto talaga niya girl.”

Makikita sa kanilang vlog, na ang mga bisita ay binigyan ng maliliit na pot na kung saan ang nasa loob nito ay nakakain at nakalagay dito ang gender revelation ng anak nila Jennylyn at Dennis. At natuwa ang lahat matapos malaman na baby girl ang anak ng celebrity couple.